Туймәт төп белем мәктәбендә балалар һәм өлкәннәр Кыш Бабай, Кар Кызы, әкият персонажлары белән бергә күңелле итеп чыршы бәйрәмен үткәрделәр. Тамаша җыр, бию, мәзәк, уен һәм башка бик күп төрле кызыклы вакыйгалар белән үрелеп барды. Яңа ел бәйрәменең артистлары - 9 нчы сыйныф укучылары үзләренең искиткеч сәләтле, иҗади балалар икәнлекләрен күрсәттеләр. Бәйрәмгә килгән кунаклар, әти-әниләр дөньяларын онытып көлеп, җырлап-биеп күңел ачтылар. Чыршы тирәли әйлән-бәйлән уйнаганда берсе дә читтә калмады. Кыш бабайның бүләкләре дә бик күп иде быел. Балалар чын күңелдән шатланып, күтәренке күңел белән кайтып киттеләр. Ә инде шушы бәйрәмне оештырып, сәхнәләштергән педагог-организатор Сафина Кадрия Ильяс кызына һәм 9 нчы сыйныфларның җитәкчесе Гыйниятуллина Роза Габдрәшит кызына мәктәп коллективы һәм бәйрәмгә килгән кунаклар исеменнән зур рәхмәтебезне җиткерәбез.