Яңа ел - Могҗизалы бәйрәм.  Алдагы елда ак өметләрне, барлык теләкләрнең чынга ашуын көтеп, ышанып, бөтен кеше Яңа елны каршылый!  Яңа елны әкияти, тылсымлы, кабатланмас диләр, чөнки һәр яңа елда кешеләр чираттагы могҗизалар, якты тыныч көннәр, яңа бәхет көтәләр. Яңа елны дусларың, хезмәттәшләрең, сөйгән кешең белән дә каршыларга мөмкин, ләкин алар арасында күңелгә иң якыны, әлбәттә, гаилә белән бәйрәм итүдер. Яңа ел төнендә яңа өметләргә, максатларга, уңышларга гаиләң белән бергәләшеп аяк басудан да истәлеклерәк, кадерлерәк әйбер юктыр ул.

Туймәт төп белем мәктәбе коллективы һәм укучылары барлык кешеләрне дә якынлашып килүче 2014 нче ел белән чын күңелдән котлыйлар. Күк йөзе аяз, тормышлар тыныч булсын, барысы дә сау-сәламәт булып яшәсеннәр иде. Киләчәк еллар барыбызга да зур уңышлар гына алып килсен.