3нче ноябрь көнне 4-9нчы сыйныф укучылары һәм сыйныф җитәкчеләре (барысы 34 укучы һәм 7 сыйныф җитәкчесе) белән Казан шәһәренә оештырылган  экскурсия укучыларга рухи-әхлакый тәрбия бирү максатын күздә тотып оештырылган иде. Алдан эскурсоводлар белән сөйләшеп бик матур, кызыклы программа төзелде. Укучылар милли, табигать ресурслары  музейларында сәяхәт иткәннән соң экскурсия җитәкчеләре белән берлектә тарихи истәлекләрне саклаган изге урыннарда: Сөембикә манарасы, Кол  Шәриф мәчете , Благовещенский   соборы, Кремль бинасында булдылар.Аларның мәңгелек тарихы белән  бик тирәнтен таныштылар.

Шулай ук балаларга метрода йөрү, "Родина" һәм "Тандем" күңел ачу үзәкләрендә булырга, төрле уеннар уйнарга да мөмкинлек бирелде. Укучылар да, укытучылар да экскурсиядән бик канәгать калдылар. Мең еллык Казан шәһәренең  мең төрле тарихи истәлеге барлыгына укучылар инанды һәм әле бик күп еллар  исләренә төшереп торырлар.