26 нчы апрель көнне Габдулла Тукайның 136 еллыгына багышлап, район мәдәният йортында шигърият бәйрәме, Туган тел көне узды. Район мәктәпләре укучылары һәм район мәдәният йорты хезмәткәрләре көче белән әзерләнгән бәйрәм чарасында безнең мәктәп укучылары да катнашты. Бишенче сыйныф укучылары Абдуллина Айзилә  Г.Тукайның “Шүрәле”, Шиһапов Илсур “Пар ат” шигырьләрен сөйләделәр, җиденче сыйныф укучылары Кәримова Айсылу, Шәрифуллина Сөмбел Г.Тукай сүзләренә“Туган авыл” җырын  башкардылар.Тамашачыларның  алкышларына кушылып, укучыларыбызга, әлеге күркәм чараны оештыручыларга рәхмәтебезне әйтәбез, уңышлар теләп калабыз. Киләчәктә дә мәктәпләрдә, мәдәният йортларында һ.б. урыннарда  шагыйребезгә һәм аның кабатланмас иҗатына багышланган чаралар уздырылып торсын, халкым Тукаен онытмасын!!!
Илдә кояш, җирдә кояш,
Тукай көне канат җәйгән.
Бәйрәм бүген, бәйрәм бүген
Тукай көне – безнең бәйрәм.
Бәйрәмнәрең алда икән әле
Кара, шагыйр, бүген текәлеп.
Халкың килде сиңа мәхәббәтен
Ал чәчәкләр итеп күтәреп.