Җәен балаларның буш вакыты күп була. Алар әти-әниләренә хуҗалык эшләрендә булышырга да, су коенырга, балык тотарга да һәм башка бик күп төрле шөгыльләр белән шөгыльләнергә дә өлгерәләр. Туймәт авылының җирле хакимияте балаларның каникуллары кызыклырак үтсен өчен спорт мәйданчыгы ясый башлады. Туймәт төп белем мәктәбе укучылары да әлеге файдалы эштә үз өлешләрен керттеләр. Алар мәйданчыкны чистарттылар, кайтарылган комны тигезләделәр. Тиздән спорт мәйданчыгы балалар тавышыннан шау-гөр килеп торыр дип көтеп калабыз.