Туймәт төп белем мәктәбенең  тәҗрибә участогында балалар график буенча җәйге практикаларын үтәләр. Каникулларга киткәнче утыртылган яшелчәләр инде беренче уңышларын да күрсәтә башладылар. Суганнар бик матур итеп төпләнеп киләләр, кыяр өлгерә, помидор да күп булырга ошаган. Алдагы елларда утыртылган карлыган куакларында авыз итәрлек кенә булса да кап-кара җимешләре күренә. Мәктәп бакчасында укучылар белән беррәттән укытучылар һәм техник хезмәткәрләр дә  хезмәт куялар.