Соңгы елларда халкыбызның гореф – гадәтләрен, йолаларын өйрәнүгә игътибар артты. Инде менә ничәмә-ничә еллардан бирле Туймәт мәктәбе коллективы  Нәүрүз бәйрәмен зурлап уздыра.

Нәүрүз көнне кешеләр күңелендә гел игелек кенә булырга тиеш. Ул изгелек булып аның үзенә үк кайтачак. Яңа елны ничек каршыласаң, елың шулай үтәр дип уйлау, күбрәк шатлану, башкаларга куаныч өләшү теләген уяткан. Кеше үз өстендәге бурычлардан да котылырга тырышкан.

Туган ягыбызга яз килә, Нәүрүз килә! Бәйрәм белән тәбрик итәм сезне!

 Бүген  вакытларыбыз – сәгатьләребез белән тигезләшә

 Күңелләрдә сагыну хисе тагын да көчәя . Бар җиһанны  нурга кумеп, безне сагынып, гөрләвекләрен  агызып Нәүрүзбикә атлый. Тирә - юньне,урман буйларын кардан арындырып,  беренче чәчәкләрен–умырзаяларын бүләк итәр. Яз килә, яз килә! Тиздән җылы яклардан кошлар кайтып, тирә - юньне үзләренең моңлы җырларына күмәрләр.

Туймәт мәктәбе укучыларының йөзләре шатлык- куанычтан балкый, күңелләре  иң изге теләкләр белән тулган. Алар йотттан –йортка йөреп авыл халкын олуг бәйрәм-Нәүрүз бәйрәме белән котлап шигырьләр сөйләделәр, такмаклар әйттеләр. Рәхмәт укучыларга. Ә бәйрәм мәктәп ашханәсендә дәвам итә, пешекчебез Сания апалары пешергән  карга боткасы, йомырка табәсе үзенең кунакларын көтә. Аш-суларыгыз тәмле, бәйрәмнәр мөбарәк булсын!