Балаларны яклау, саклау көне кысаларында һәм районның Мәгариф бүлеге методик берләшмәсе планы нигезендә Туймәт төп белем мәктәбендә 25 май көнне, Соңгы кыңгырау линейкасыннан соң спорт ярышлары оештырылды. Укытучылар һәм укучылардан торган ике команда да сынатмадылар, төрле яклап үзләренең көчен, җитезлеген һәм нинди спорт уенына сәләтле булуларын күрсәттеләр. Укытучы апалары белән бергә ярышу балаларда  җаваплылык хисен икеләтә арттырды. Уеннарда җиңүче һәм җиңелүче команда булмады, көчләр нисбәте тигез иде. Яшь спорт сөючеләрнең шатлыклары, күтәренке кәефләре йөзләреннән китмәде, алар мондый ярышларны киләчәктә тагын да кызыклырак, файдалырак итеп уздыру теләген белдерделәр.