15 нче май көнне Туймәт төп белем бирү мәктәбендә география укытучысы Сагирова Л.М. мәктәпкүләм “Бердәм экологик дәрес” үткәрде. Әлеге дәрестә экологик аң, экологик белем, экологик культура төшенчәләренә басым ясалды. Төрле сораулар ярдәмендә укучыларның экологик белемнәре тикшерелде. Татарстан Республикасының табигый ресурслар һәм экология министрлыгының эшчәнлеге белән танышып үтелде. Балалар актив рәвештә сорауларга җаваплар бирделәр, үз фикерләрен белдереп чыгышлар ясадылар. 7 нче сыйныф укучылары Гайнанова А., Ильясова И., Мисбахова С., 8 нче сыйныф укучылары Гатин С., Сөләйманова Г., 9 нчы сыйныф укучысы Кәримова Л. авылыбызның экологик проблемаларын чагылдырган бик бай эчтәлекле презентацияләр белән чыгыш ясап барлык укытучылар һәм укучыларның рәхмәт сүзләрен ишеттеләр. Шундый укучыларыбыз булганда киләчәгебез бар, матур, якты булачак дип ышана алабыз. Дәрес азагында барлык укучыларга да, әлеге презентацияләр һәм чыгышлардан күрелгән проблемаларны чишү юлларын күрсәткән фикерләрен язып килергә дигән, өй эшләре бирелде.