Бүген бөтен ил халкы Бөек Җиңүгә 68 ел тулу көнен билгеләп үтә. Туймәт авылының мәдәният йортында шул уңайдан тантаналы чара үтте. ДокладчыТуймәт төп белем мәктәбенең укытучысы Фәссахова Рәмзия Самат кызы бу көннең нинди зур әһәмияткә ия булуы, җиңүне якынайту өчен фронтта һәм тылда һәрбер кешенең хәленнән килгән кадәр зур тырышлык куюы, еллар үтсә дә яшь буынга бабаларының матур киләчәк өчен кылган батырлыкларын һич онытырга ярамавы турында сөйләде. Сугышта һәлак булган авылдышлар хөрмәтенә бер минут тынлык игълан ителде. Ә педагог-оештыручы Сафина Кадрия Ильяс кызы һәм 8 - 9 нчы сыйныф укучылары көче белән әзерләнгән әдәби-музыкаль кичәдә җырлар һәм шигырьләр тыл ветераннары өчен яңгырады.

  Югалтулар алып килде сугыш,

 Күпме дуслар кайтмый калдылар.

 Шул дусларның йокыларын саклап,

Ак каеннар моңсу шаулыйлар.

 Сагынабыз да, горурланабыз да ,

 Онытылмыйлар корбан булганнар.

 Бар бит менә безнең арабызда,

 Җиңеп кайткан, исән калганнар.
 68 ел инде...

Кайтмый калганнарны көтәбез.

 Авыл уртасындагы зур һәйкәлгә

 Чал башыбызны иеп үтәбез.