Бүген Туймәт төп белем мәктәбе яны тәҗрибә участогында һәрбер кешегә эш табылды. Алдагы көнне техник хезмәткәр Шәрифуллин Рәзил җирне мотоблок ярдәмендә йомшартып чыккан иде. Укытучылар һәм техник хезмәткәрләр җир тырмаладылар, түтәлләр ясадылар, кызлар чәчү эше белән шөгыльләнделәр, укучы егетләребез чәчәк түтәлләренә туфрак ташып, казып үсентеләрне чыгарырга әзер ясап куйдылар. Мәктәп бакчасына суган, кара орлык, кишер һәм чөгендер чәчелде. Ә җылы яратучы яшелчәләр өчен түтәлләр әзерләнде. Тәҗрибә участогы бик матур булып калды, орлыкларның шытып чыгып, яшелләнгәнен генә көтәсе калды.

Язгы чәчүгә читтән дә ярдәм күрсәтүчеләр булды. Чәчәк түтәлләре өчен Кәримов Нияз Рәмил улы шәхси тракторы белән уңдырышлы кара туфрак китерде. Без аңа мәктәп коллективы исеменнән зур рәхмәт белдерәбез.