Экологик айлык кысаларында листовкалар язу конкурсы игълан ителгән иде. Беренче урынга 8 нче сыйныф укучылары Сөләйманова Гөлназ һәм Гатин Салаватның листовкалары чыкты. Башлангычлар арасында иң активы 3 нче сыйныф укучылары булды. Укучыларның барысына да мәктәп администрациясе рәхмәт белдерде һәм киләчәктә уңышлар теләде.

          ХӨРМӘТЛЕ  АВЫЛДАШЫМ  !!!

Экология фәне – белемнәр системасы ул. Экологияне өйрәнү биләмәсе искиткеч зур. Аның, мөгаен чиге дә юктыр. Экология чикләренең соңгы вакытта киңәюе сизелә. Бүгенге көндә кешенең сәламәтлеге начараюын да, психикасы какшавын да ... – һәммәсен экологиягә бәйләп карыйлар.

   15 нче апрельдән 15 нче майга кадәр ЭКОЛОГИЯ айлыгы. Бу көннәрдә барыбыз да үзебезнең йорт тирәләрен, тыкрыкларны, юл кырыйларын чистартыйк. Күп урыннар төрле кешеләргә бүлеп бирелде. Мисал өчен, мәктәпнең укучылар һәм укытучылар коллективы бердәм көч белән 20 нче апрель көнне мәктәп тирәсен, ә 24 нче апрель көнне тегермән янын, зыярәт кырыен, кибет тирәсен җыештырдык. Алардан үрнәк алып һәрбер кеше үз территориясен җыештырсын иде. Айлык вакытында үзебезнең су чыганагы булган Чишмәләребезне дә җыячакбыз.

   И күңелле җәй көнендә,

   Табигать кочагында.

   Менә шуны истә тоту

   Кирәктер шул чагында. 

                  Агачларны сындырмагыз,

                         Кош оясын ватмагыз.

                  Суларны да пычрамагыз,

                  Пыяла, чүп атмагыз.

                                Эссе чакта, коры чакта

                                Урманда ут якмагыз!

                                Табигать ул безнең әни,

                                Табигатьне саклагыз!

   Табигатьне пычратмагыз! Табигать безнең уртак Туган йортыбыз икәнен онытмагыз!

                                     ЭКОСОВЕТ