Туган тел һәм халыклар бердәмлеге елы уңаеннан, 26 нчы апрель көнне, Г.Тукайның 135 еллыгына багышланган иртәдә, Туган тел көне иртәсендә мәктәбебездә “Тукай безнең күңелләрдә” исемле әдәби чара – шигърият бәйрәме узды. Укучылар шагыйрьнең шигырьләрен яттан сөйләделәр, аның сүзләренә язылган җырлар җырладылар. Бәйрәм шулай ук Г.Тукайга багышланган шигырьләр белән дә үрелеп барды. Кичә бөек татар шагыйре Габдулла Тукайның «Туган тел» җыры белән тәмамланды. Минтимер Шәймиев әйткәннәргә тугры калып,шуны әйтәсе килә: «Без егерменче гасырда Тукай белән яшәдек, егерме беренче гасырда да аның белән булырбыз. Тукай мирасы яшәгәндә, милләтебез дә яшәр. Татар халкы милләт булып яшәгәндә, Тукай да яшәр!».