19 нчы апрельдә Укучылар Думасы үзенең чираттагы утырышын уздырды. Җыелышта ике мөһим мәсьәлә каралды. Беренчесе: 8 нче сыйныф укучыларын, Думага керткән гаризалары нигезендә, сорауларга җавап алу тәртибендә Мәктәп Думасына кертү-кертмәү мәсьәләсе булса, икенчесе 2013-2014 нче уку елына яңа состав сайлау булды.

Комитет җитәкчеләре, Думаның спикер һәм депутаты утырышка керер алдыннан мондый бурыч куйдылар: үзидарә составы белемле, физик һәм рухи яктан нык, акыллы, мәктәп тормышында актив эш алып баручы лаеклы алмаш булырга тиеш. Җыелыш барышынды җитәкче состав үзен кызыксындырган барлык сорауларга 8 нче сыйныф укучыларыннан тулы җавап алды һәм бертавыштан Мәктәп Думасына әгъза итеп кабул итте. Думаның спикеры Абдуллина Алисә Илфат кызы, депутат Галимов Алмаз Сәяз улы 8 нче сыйныф укучыларын кайнар котлап Дума таныклыгы тапшырдылар. Ә яңа составка килгәндә, 2013-2014 нче уку елына спикер - Мортазина Гүзәл Марат кызы, депутат - Гыйниятуллина Илүзә Наил кызы сайланды.  Үзидарә һәм мәктәп тормышында актив эш алып барулары өчен 8 нче һәм 9 нчы сыйныф укучыларына Туймәт төп белем мәктәбенең тәрбия эшләре буенча директор урынбасары Сафина Розалия Габбас кызы, педагог-оештыручы Сафина Кадрия Ильяс кызы, сыйныф җитәкчесе Гыйниятуллина Роза Габдрәшит кызы рәхмәтләрен белдерделәр.