26 нчы мартта район үзәгендә мәктәпләрнең тәртип бозуларны кисәтү отрядлары арасында зур күләмле ярышлар булып үтте. Туймәт төп белем мәктәбенең профилактика отряды шулай ук бу бәйгедә катнашып, үзенә уңай яктан бәя алып кайтты. 4 этаптан торган конкурс барышында отрядлар визит карточкаларын тәкъдим иттеләр, интеллектуаль ярышта көч сынадылар, проект эшләрен якладылар һәм хәрби строй әзерлеген күрсәттеләр. Безнең мәктәп командасы Интеллектуаль этап номинациясендә яхшы күрсәткечләре өчен Мактау Грамотасы белән бүләкләнде. "Чын дуслык"отрядының эшчәнлеген оештыручы сыйныфтан тыш эшләр буенча директор урынбасары Сафина Розалия Габбас кызын һәм балаларны уңышлы чыгыш ясаулары белән котлыйбыз, киләчәктә дә яңадан-яңа үрләр яулауларын теләп калабыз.