7 март көнне район мәдәният йорты сәхнәсендә Халыкара хатын-кызлар көненә багышланган концерт узды.Үрнәк гаиләләре, тырыш хезмәтләре өчен Чирмешәндә әзерләнгән зур бәйрәм кичәсенә Туймәт төп белем мәктәбеннән дә ике хезмәткәребез чакырулы иде. Директор урынбасары Кәримова Рушания Госман кызы һәм техник хезмәткәр Гәрәева Әлфирә Гамил кызлары озак еллар үз өлкәләрендә тырышып эшлиләр һәм икесе дә зур хөрмәткә лаек кешеләр.

Укытучылар, терлекчеләр, медицина хезмәткәрләре - нинди генә өлкәдә эшләми хатын-кызарыбыз. Шуның өстенә алар - уңган хуҗабикәләр дә, балаларның иң кадерле әниләре дә, оныклар өчен иң матур әбиләре дә. Соңгы вакытта хатын-кызлар җәмгыятьтә һәм гаилә мәшәкатьләрен алып баруда әйдәп баручы рольне ешрак башкаралар, ләкин ир-егетләребезнең җылы сүзләре, игътибары алар өчен иң зур бүләк булып тора.

Ул көнне сәхнәдән  яңгыраган җыр, бию - барысы да гүзәл затлар  өчен иде. Кунакларны район башлыгы Нурхамәт Хәмидуллин да тәбрикләде.