Күптән түгел мәктәп директоры Шәрифуллина Рәзилә, физкультура укытучылары Шиһапова Рәмилә һәм Сәгыйрова Ландышлар спорт инвентарьләре алуда ярдәм күрсәтүен үтенеп Казанда яшәүче авылдашыбыз Сәхапов Рәшит әфәндегә хат аша мөрәҗәгать иткәннәр иде. Авылдашларына һәртөрле яклап ярдәм итеп торучы Рәшит әфәнде бу юлы да җавапны озак көттермәде. Бүген мәктәпкә әллә ничә төрле спорт инвентарьләре кайтып төште. Футбол, баскетбол, волейбол туплары, бадминтон өчен комплектлар, волейбол һәм баскетбол уены өчен махсус сеткалар, гимнастика өчен төрле җайланмалар һәм җиһазлар - мондый зур байлыкны беръюлы күрмәгән укучыларның шатлыктан "түбәләре күккә тиде". Мәктәп коллективы исеменнән Сәхапов Рәшит Локман улына чиксез рәхмәтебезне белдерәбез һәм аңа эшендә, шәхси тормышында зур уңышлар телибез.