Бүген - Россия Федерациясе Конституциясе көне.  1993 елның 12 нче декабрендә ил күләмендә референдум үткәрү юлы белән Россия Федерациясенең Төп Законы кабул ителде. Әлеге тарихи вакыйгага 26 ел үтте. Илебезнең  Төп Законы Россияне демократик, хокукый федератив дәүләт дип игълан итте, гражданлык җәмгыятенең асыл кыйммәтләрен - шәхес хокукларын һәм ирекләрен хөрмәт итүне, халыкларның тигез хокуклылыгын раслады. Конституция сәяси һәм социаль тотрыклылыкның мөһим факторына, дәүләт хакимиятенең, җирле үзидарә нигезләренең какшамас гарантына әверелде. Федератив дәүләт корылышының, Конституциянең нигезләрен ныгыту мөстәкыйль икътисадый һәм социаль үсеш мөмкинлеген бирде. Илебезне көчле һәм алга киткән дәүләт итү өчен һәммәбездән күп хезмәт, бердәм тырышлык сорала. Ватаныбыз алдындагы изге бурычны үтәүдә барыбызга да уңышлар юлдаш булсын.