Укытучы – дөньяны танып  белергә омтылучы, балаларның керсез пакь күңелләренә гыйлем орлыклары чәчүче һәм аларның тигез матур шытымнар бирүен сабыр гына көтүче Остаз, газизләрдән-газиз әниләр белән берүк дәрәҗәгә куярлык изге зат. Шулай ук балаларның нечкә саф күңеленә саклык белән генә кагылучы, аларга хаклык энҗеләрен тезүче оста киңәшче психолог та, уку барышында юл күрсәтүче маяк та ул!

Укытучыларны профессиональ бәйрәмнәре белән котлап мәктәп укучылары матур концерт оештырдылар. Һәр укытучыга ихтирам күрсәтеп чәчкә бәйләмнәрен бүләк иттеләр. Бәйрәмгә ветеран укытучылар да килгәннәр иде. Ахырдан авыл мәдәният йортында эшләүче хезмәткәрләр укытучыларны олылап чәй табынында сый-хөрмәтлере, җырлары, матур теләкләре белән күңелләрен күрделәр. Аларга рәхмәт яусын.