Мавыктыргыч, тынгысыз дөнья ул - “Варислар иле”. Әгәр син әлеге илгә эләккәнсең икән димәк, тырышлыгың бушка китмәгән. Сине алда зур уңышлар, сынаулар көтә дигән сүз ул. 4класс укучылары “Варислар иле”нең әгъзалары булырга әзер икәнлекләрен исбатладылар. Варисларның законнары, биеклекләре, кагыйдәләре турындагы белемнәрен күрсәттеләр. Шушы оешмага әгъза булып кергәнче иптәшләре, укытучылар каршында Татарстан Варислары Берлеге законнарын төгәл үтәргә, тырышып укырга, эшләргә, өлкәннәрне хөрмәт итәргә тантаналы төстә ант иттеләр һәм Татарстан Варислары Берлеге сафларына бастылар. Соңыннан 4 нчеләрне варис булулары белән тәбрик иттеләр. Акыллы булырга, тырышып укырга, сәламәт булып үсәргә, Ватанны яратырга дигән теләктә калдылар.