Хезмәтенә иҗади яктан якын килүчеләрне ачыклау, укытучы һөнәренең дәрәҗәсен үстерү максатыннан республикада, шул уңайдан районда да бик күп бәйгеләр оештырыла. Аларда катнашучылар  елдан-ел арта бара. Әйтик, быелгы уку елында бәйгеләрнең мәктәп этабында – 100 дән күбрәк, муниципаль турларда 50 ләп педагог үзен сынап караган. Араларында республика бәйгеләренең зона ярышларында  призлы урыннар яулаучылар да бар. Бүгенге чарада аларның барысын да сәхнәгә чакырып хөрмәтләделәр, бүләкләделәр.  Әлеге тантаналы чарада Туймәт төп белем мәктәбеннән дә катнашучылар бар иде. "Ел укытучысы - 2019" бәйгесендә үз көчен сынаган тарих, җәмгыять белеме укытучысы Сәүбанова З.М. һәм "Кеше тәрбияләү" республика конкурсының муниципаль этабында "Класс җитәкчесе" номинациясендә катнашучы татар теле һәм әдәбияты укытучысы Сафина К.И.  лауреат исеменә лаек булдылар.