Кичә гүзәл һәм уңган кызларга, әниләргә багышланган “Ягез әле, кызлы әниләр!” дип аталган бәйрәм булып үтте. Бу уенда эшкә уңган, тапкыр, зирәк, төскә матур, сылу кызларыбыз, әниләребез катнашты. Командалар мәкальләрне дәвам итү, табын бизәү, чәчәкләр утырту, кашык белән су ташу, “Сыер савучылар”, “Сәхнәләштереп күрсәтү” конкурслары, бию – попурри буенча көч сынаштылар. Ана һәм бала! Алар бербөтен, аерылгысыз. Шуңа күрәме инде командалар бербөтен булып, әниләренең киңәшләрен тыңлап җитез дә, тапкыр да, артистлык сәләтләрен дә бик оста башкардылар. Бәйрәм күңелле үтте, барысына да ошады.

Кадерле әниләр, кызларыбыз!  Бу бербөтенлек, бергәлек балагыз үскән саен тагын да ныгысын, бер-берегезне бер сүздән, бер караштан аңлап, бәхет сәгадәттә яшәргә язсын диясе генә кала.