Ел барышында укучыларны өйрәтү максатыннан берничә тапкыр "Внимание, пожарная тревога" шартлы сигналы игълан ителә. Куркыныч туган вакытта балалар мәктәп бинасының теләсә кайсы почмагыннан, паникага бирелмичә чыгу юлын мөмкин кадәр тизрәк табарга һәм куркынычсыз урынга юнәлергә тиешләр. Чираттагы "тревога" бүген, иртәнге линейка барышында игълан ителде. Өйрәтү шарты булып барлык укучыларның да бер урынга җыелган җирдән тиз арада эвакуацияләнүе иде. Балалар куелган шартларны төгәл үтәп, бирелгән вакыт эчендә мәктәп бинасыннан чыгып өлгерделәр. Мондый укулар кабатланып торса да, чын тормышта әлеге белемнәребезне кулланырга язмасын иде.