Каникулларда күп итеп кар яуды. Балалар өчен бу зур шатлыкка әверелде, чөнки алар ашкынып чаңгыда шуу теләге белән яналар иде. Биек итеп кар көртләре салган бакчаларда, якын-тирә кырларда чаңгы эзләре күренә башлады. Укулар башлангач мәктәптә дә чаңгычылар саны артты. Бердән, физкультура дәресләрендә спорт төре буларак махсус өйрәнсәләр, икенчедән укучылар арасында үз сәламәтлекләрен кайгыртучыларның саны көннән-көн арта. Чаңгыда йөреп осталыкны арттыруның тагын бер сәбәбе бар - тиздән чаңгы ярышлары башланачак.