Бүген Туймәт төп белем мәктәбендә 5 - 6 нчы класслар өчен "Ленинград блокадасын өзүгә 76 ел"  темасы астында ачык сыйныф сәгате үтте. Чараны 6 нчы класс җитәкчесе Сәүбанова З.М. оештырды. Бу тарихи вакыйга балалар өчен генә түгел, өлкәннәр өчен дә күңелләргә үтеп керә торган, авырлыгы, ачлыгы, ялангачлыгы, бер гаепсез кешеләрнең меңләгән үлемнәре, ятимнәре белән хәтерләргә тирән уелып калган күренеш.  900 көн шәһәр халкы, совет армиясе бердәм булып, бер бөтен  булып Ленинградны  саклый, яклый, тырыша-тырмаша, ләкин дошманга бирми. Халык үлемнән куркып калмый, авырлыкларны җиңеп чыгу өчен бар көчен куя. Тарих укытучысы үзенең чыгышы һәм презентациясе ярдәмендә ул вакыттагы кичерешләрне балаларга җиткерергә тырышты. Сугыш хәсрәте еракта калуына карамастан, ул вакыттагы кешеләрнең батырлыгын мәңге йөрәкләрдә саклау кирәклеген ассызыклады.