17 нче декабрь көнне район сәнгать мәктәбендә 2018 нче елга “Чиста авыл синнән башлана!” акциясенә нәтиҗә ясалды, җиңүчеләр билгеләнде. Җиңүчеләрне район башлыгы Давлетшин Фердинат Мидхәт улы, район башлыгы урынбасары Җәмәлтдинов Габдрәшит Мөдәрис улы, район мәгариф бүлеге җитәкчесе Әхтәмова Светлана Тәлгать кызы котлады. Җиңүчеләр арасында Туймәт төп мәктәбе һәм укучыларыбыз да бар. Укучылардан Кәримов Венер (9 кл.) пластик җыю, Сөләйманова Гөлинә (6 кл.) макулатура җыю буенча акциянең актив укучылары, ә 4 нче класс укучылары Кәримова Наилә апалары җитәкчелегендә актив класс буларак билгеләп үтелделәр һәм кыйммәтле бүләкләр белән бүләкләнделәр. Җиңүчеләрне Һәм барлык мәктәп коллективын кайнар котлыйбыз, рәхмәт әйтәбез, чөнки район мәктәпләре арасында мәктәбебезнең макулатура һәм пластик җыюда призлы урын алуы барыбызның да уртак тырышлыгы нәтиҗәсе. Киләчәктә дә уңышлар, яңа җиңүләр яуларга насыйп булсын дигән теләктә калабыз. Молодцы!!!