Каникулның соңгы көнен һәрвакыт кирәге чыгарга мөмкин эшчәнлеккә багышларга булдык без. Коллектив белән бергә җыелып беренче ярдәм күрсәтү буенча теоретик белемнәребезне ныгыттык, практик яктан искә төшердек. Тормышта бит төрле хәлләр, штаттан тыш ситуацияләр килеп чыгарга мөмкин: яралану, киселү, имгәнү һ.б. Кайвакыт кешенең киләчәк тормышы да вакытында күрсәтелгән беренче ярдәмгә бик нык бәйле була. Мондый көтелмәгән ситуациягә укытучы бигрәк тә әзер торырга тиеш, чөнки ул үзеннән тыш әле янәшәсендәге балалар өчен дә җаваплы була. Укулар барышында махсус видеофильм карадык, шулай ук манекен өстендә беренче ярдәм күрсәтү күнекмәләрен кабатладык.