15 нче ноябрь көнне район сәнгать мәктәбендә шаулап-гөрләп I Халыкара «Җәлил укулары» әдәби бәйге узды. ”Әлеге чараны уздыруның максатлары булып Россия Федерациясе төбәкләрендә һәм чит илләрдә татар телен, мәдәниятен саклау һәм үстерү, М.Җәлилнең иҗади мирасын популярлаштыру, бөек шагыйрьнең иҗатына кызыксынуны арттыру, яшь буынны патриотик рухта тәрбияләү, яшь талантларны ачыклау, аларның сәләтләрен күрсәтүгә мөмкинлекләр тудыру тора”,- дип игълан итә Татарстан Республикасы Мәгариф һәм фән министрлыгы. Әлеге чарадан без дә читтә калмадык. Бер төркем укучыларыбыз М.Җәлил шигырьләрен тамашачы хозурына тәкъдим иттелэр. Яшь катнашучыларыбыз бәйгедән күтәренке кәеф белән кайттылар. Алга таба да яшь буында бөек шәхесләребез иҗатына мәхәббәт сүнмәсен-сүрелмәсен,телебез, мәдәниятебез саклансын, үссен, озын гомерле булсын!!! Әлеге бәйге дә дәвамлы булсын, киләчәктә, алдагы елларда, тагын да камилләшсен дигән теләктә калып, оештыручыларга олы рәхмәтләребезне юллыйбыз.