Яңа ел - Могҗизалы бәйрәм, алдагы елда ак өметләрне, барлык теләкләрнең чынга ашуын көтеп, ышанып, бөтен кеше Яңа елны каршылый! Шундый әйтем бар: "Яңа елны ничек каршыласаң, шулай ук уздырасың да". Шуңа күрә дә кешеләр бу бәйрәмне аеруча үзенчәлекле, онытылмас һәм күңелле итеп уздырырга тырышалар.

Яңа елны ничек, кем белән, нинди шартларда каршыларга дигән төгәл кагыйдәләр юк. Аны дусларың, хезмәттәшләрең белән дә бик күңелле каршылап була. Моның шулай икәненә без дә тагын бер кат инандык. Шундый онытылмаслык бәйрәм оештыручы профсоюз җитәкчебез Галия Әнәс кызы һәм укытучы Рәзинә Мәүлет кызына бик зур рәхмәтләребезне җиткерәбез. Әлеге чаралар коллективны рухи яктан якынайта, берләштерә.