Күңелләргә якты нур өләшеп,

Шатлык өстәп һәрбер йөрәккә,

Үз муллыгы белән көзләр килә

Йомгак ясап җәйге хезмәткә

Шушы унайдан 19 нчы октябрь көнне мәктәптә 5-9 нчы сыйныф укучыларының көзге бал кичәсе булып үтте. Быел Туймәт төп белем мәктәбе аеруча мул уңыш җыеп алды. Укытучылар һәм укучылар тырышлыгы белән кыяр-помидоры, суган, бәрәнгесе, кишере, чөгендере, чиясе, карлыганнары белән дан тотты. Зал да аерым матур итеп, көзне тасфирлап бизәлгән, ә менә ашханәдә көзге муллыктан әзерләнгән табын күргәзмәсе барлык укытучы һәм укучыларны көтеп үзенә чакырып торды. Бәйрәм телеведение тапшыруына нигезләнеп алып барылды. Программада:

1. Туймәт төп белем бирү мәктәбендәге көзге бал бәйрәменнән репортаж.

2. Мәктәп тормышы, көнкүреш яңалыклары.

3. Бүгенге көн тенденцияләренә туры китереп эшләнгән бүлекләр.

4. Яңалыклар, укучылар тормышы, шулай ук һава торышы буенча да мәгълүматлар биреләчәк һәм дә инде кызыклы уеннар тәкъдим ителде.

Калды язгы борчулар шөкер,

Кыенлыклар әле һаман искә төшәр.

Әле янгыр коеп үтә, әле эссе,

Гел хәвефтә торган төсле кырлар өсте.

Тирләп пештек, тик уңышның мулын көттек.

Шатландырды япь-яшь бөртек, алтын бөртек