Көз - елның матур вакыты. Көзен яфраклар сары төскә керә, шуңа күрә дә аны алтын көз дип атыйлар. 4 нче сыйныф укучылары көзге табигатьне күзәтү максатыннан әрәмәгә экскурсиягә бардылар. Укытучы апалары көзге табигатьнең матурлыгына сокланырга әйдәде, һава, җир, кояш, үсемлекләргә игътибар итәргә өйрәтте. Гөмбәләрне, агачларны аерырга өйрәндек.Көзге басудагы хезмәтне карадык. Балаларга саф һавада хәрәкәтле уеннар оештырылды. Балалар алып килгән тәм-томнары белән сыйландылар. Табигатне саклау, пычратмау кагыйдәләрен искә төшерделәр.Көзге табигатькә экскурсия балаларның күңелендә зур тәэсир калдырдыУкытучы да, укучылар да табигатьнең саф һавасын сулап, белем бирергә һәм белем алырга көч җыеп кайттылар. Экскурсия файдалы үтте.