Районыбыз мәктәпләре житәкчеләре Мөслим районында булып кайттык. Оешкан төстә Мөслимгә юл алуыбызның максаты –  районның инфраструктура үсешен,  чисталык, төзеклек буенча алга китүен күреп кайту иде. Мөслим, чыннан да, бик чиста, матур һәм кунакчыл. Соңгы дүрт-биш елда зур күләмле эшләр башкарылган. Район җитәкчелеге тарафыннан барлык өлкәләргә зур игътибар бирелүе  районның өметле киләчәген билгеләргә ышаныч тудыра. Барыбызга да үз җиребездә исән-сау булып яшәргә, хезмәт итәргә, уңышларга ирешергә насыйп булсын.