Быел Бөек Ватан сугышының барышын тамырдан борылышка китергән Курск бәрелешенә 75 ел тулды. Шул уңайдан буген Туймәт төп белем мәктәбендә 5 - 6 нчы сыйныфлар өчен ачык сыйныф сәгате үтте.  "Җиңү җиңел бирелмәде..." темасы астында үткән батырлык дәресендә тарих укытучысы Сәүбанова З.М. балаларны илебез өчен иң зур югалтулар, кайгы-хәсрәт, ачлык-ялангачлык, куп авырлыклар алып килгән сугышның бер этабы турында сөйләде. 1943 елның июль - август айларында барган һәм тарихка Курск дугасы бәрелеше дип кереп калган сугыш немец фашистларының рухын сындыруда, корал һәм гаскәри көчләрен юкка чыгаруда зур урын тота. Элеге бәрелештән соң дошман Советлар Союзы территориясендә стратегик һөҗүм итү мөмкинлекләрен тулысынча югалта. Кызыл армия гаскәрләренә  бу җиңүдән соң илне фашистлардан азат итү мөмкинлеге тагы да арта. 

Тарихта тирән эз калдырган, илебезне  якты киләчәккә китергән мондый зур вакыйгаларны онытырга ярамый. Балаларга Ватанга мәхәббәт һәм патриотик тәрбия бирүдә дә Курск бәрелешендә ватандашларыбызның кылган батырлыклары тирән йогынты ясый.