6 нчы апрель көнне 7 нче сыйныф укучыларының ата-аналар җыелышы булып үтте. Җыелышта ата-аналар укучыларның 3 нче чирек йомгаклары белән таныштырылды, “Тәрбия - җаваплы өлкә” дигән темасына доклад тыңланды.

Баланы дөрес тәрбияләү, барыннан да элек, аңа хезмәт тәрбиясе бирүне күздә тота. Ул баланы нәни чактан ук бик гади вазифаларны үтәргә өйрәтүдән башлана. Үскән саен, баланың өйдәге вазифалары арта һәм катлаулана барырга тиеш. Уку аның төп эшенә әйләнә һәм өйдәге барлык хуҗалык эшләре аның укуына зыян салмаслык итеп оештырылырга тиеш. Гаилә әгьзалары балада укуга җаваплы караш тәрбияләүгә бурычлы. Тиешле режим оештыру һәм аның төгәл үтәлешен тикшерү – дөрес гаилә тәрбиясе бирүдә төп шартларның берсе. Дөрес режим булганда тырышлык, төгәллек, оешканлык кебек сыйфатлар җиңелрәк тәрбияләнә. Әгәр бала һәр көнне бер үк вакытта йокыдан торса, дәресләр әзерләсә, хуҗалык эшләрен башкарса, йокларга ятса – ул акрынлап бу вазифаларга күнегә һәм аларны кушмыйча да үти башлый. Гаиләдә дөрес көн тәртибе урнаштырылса, бала тәртибенең һәм өлгерешенең уңай якка үзгәрүенә өметләнеп була.