Адәм генә түгел, бөтен галәм

Уйлый ,Әнием, синең турыда...

Әни!

Җир йөзендә иң матур сүз- әни. Ул- һәр кеше әйтә торган беренче сүз, һәм дөньядагы барлык телләрдә дә ул бердәй ягымлы. Әни куллары- иң мәрхәмәтле һәм назлы куллар, алар барын да эшли ала.Әни йөрәге– иң турылыклы һәм сизгер йөрәк: аңарда мәхәббәт беркайчан да сүнми, ул бернәрсәгә дә ваемсыз булмый.

Сиңа биш яшьме, илле яшьме-күпме генә булмасын, -кешегә һәрвакыт әни кирәк, аның иркәләве, ягымлы карашы кирәк.Әниеңә мәхәббәтең никадәр зур булса, тормышың да шулкадәр шатлыклы һәм якты була.

Рәхмәт яусын безнең әнкәйләргә,

Аларгадыр бөтен авырлык.

Әнкәйләргә якты йолдызлардан,

Я кояштан һәйкәл салырлык.

Шушы бәйрәм уңаеннан, Туймәт мәктәбенең укытучылар һәм укучылар коллективы кадерле әниләрне, дәү әниләрне, әбиләрне бәйрәм уңаеннан оештырылган чарага чакырды.“Әбием- кадерлем, минем иң якыным” темасына багышланган концерт номерларыннан соң бәйрәмнең икенче өлеше чәй табыны янында узды. Әлбәттә инде, әбиләр җыелган җирдә , күңелләрне җылытучы әңгәмә дә, киңәш тә, дога да бар. Менә шундый бәйрәм ул- 8нче март Халыкара хатын-кызлар көне. Һәрбарчабызга исәнлек –саулык, тынычлык, балаларыбызның,оныкларыбызның шатлыкларын гына күреп яшәргә насыйп булсын.