Бүген безнең мәктәптә Спорт һәм физкультура атналыгы башланды. Иртәнге сәгатьтә укучылар линейкага җыелып тантаналы төстә фән атналыгын ачуда катнаштылар. Беренче көн "Олимпия уеннары көне" дип игълан ителде һәм тәнәфес вакытларында балалар Сәгыйрова Ландыш һәм Шиһапова Рәмилә апалары әзерләгән мультимедиа "Олимпик елъязма" белән таныштылар. Соңыннан укучылар шушы тема буенча викторинада катнашып, шәхси исәпләренә очколар җыя башладылар. Дәрәҗәле укытучылардан торган жюри атна барышында һәрбер чарада балаларның катнашуын теркәп, очколарны язып барачак.  Шиһапова Рәмилә Вәлиәхмәт кызы 6 нчы сыйныфларда "Спорт уеннары. Тупны тапшыру һәм кабул итү алымнары" темасы буенча ачык дәрес күрсәтте. Хәрәкәтләнергә яраткан укучылар үзләрен дәрес вакытында гел яхшы яктан гына күрсәттеләр, физик көчләре белән беррәттән физкультурадан теоретик белемнәре булуын да расладылар.