Бүген Туймәт төп белем мәктәбендә педагогик киңәшмә булып узды.  Аның темасы "Федераль дәүләт стандартын укыту-тәрбия процессында гамәлгә кертү". Яңа уку стандартлары кертү, яңача белем бирү турында соңгы вакытта күп сүзләр сөйләнә. Әле башлангыч сыйныфларда гына эшли башлаган бу стандартлар берничә елдан урта сыйныфларга да килеп җитәчәк. Бүгенге көндә фән укытучыларының шушы юнәлештә өстәмә белем туплавы, методик базасын өйрәнүе, технологияләрен үзләштерүе актуаль мәсьәлә булып тора. Яңача белем ала башлаган укучы 5 нче сыйныфка килгәндә, урта звено укытучысы аңа яңа формада белем бирергә әзер булырга тиеш. Мәктәп директоры Шәрифуллина Рәзилә Вәлиәхмәт кызы "Яңа стандартлар туганда, укытучының укытуга эшлекле якын килүе" темасына багышланган чыгышында шуны ассызыклады. Чыгыш вакытында тематик видеоязма, мультимедиа презентациясе һәм үрнәк дәрес эшкәртмәсе каралды. Шулай ук мастер-класс формасында укытучылар коллективы белән әдәбият дәресе дә үткәрелде.