Мәктәпкә белем бирүдә тыш  беррәттән бик күп хуҗалык мәшәкатьләре белән  дә шөгыльләнергә туры килә.   Бинаны карап төзекләндереп тору, тәҗрибә участогын күз уңыннан җибәрмәү, балаларны кайнар аш белән тәэмин итү, җиһазларны ремонтлау - нинди генә эш килеп чыкмый уку елы барышында. 2010 нчы елда безнең мәктәп бинасының түбәсенә капиталь ремонт ясалган иде. Ә аның фронтон өлешенә быел әз генә төзәтү эше таләп ителде. Әйтүе генә җиңел, берничә метр биеклектәге фронтонга күтәрелү өчен махсус техника булмаса, бернинди дә эш башкарып булмый. Бәхеткә Туймәт авылында искиткеч игелекле, ярдәмчел, киң күңелле кеше яши. Ул "Электр челтәрләре" оешмасының район бүлеген җитәкләүче Кәримов Рәмил Әхәт улы. Үтенечне ишеткән көнне үк ул мәктәпкә ярдәм йөзеннән махсус техниканы җибәрде һәм безнең техник хезмәткәрләр тиз арада үз эшләрен башкардылар. Бу Кәримов Рәмил абыйның мәктәпкә күрсәткән беренче генә ярдәме түгел, озак еллар барышында ул балаларга туплар алып бирүдә, төрле бәйрәмнәрнең спонсоры булып торуда һәм башка бик күп төрле өлкәләрдә үзенең өлешен кертә. Туймәт төп белем бирү мәктәбе исеменнән аңа эшчәнлегендә уңышлар теләп, рәхмәтебезне белдерәбез.