“Гаилә һәм мәктәп ” – күпкырлы һәм яшь журнал. Шулай булуына карамастан, күпләрнең яраткан журналы.Туймәт мәктәбе укытучылары да әлеге басманың даими язылучылары. Журналның үзен ай саен алдырсак та, хезмәткәрләре белән очрашканыбыз булмады. Мәгълүм булганча, укучыбыз Сафин Инсаф быелгысы уку елында Бөтенроссия физкультура-спорт ярышларының җәйге турында катнашып һәм җиңүләргә ирешеп кенә калмады, ә шул тырышлыкларының һәм уңышларының нәтиҗәләре буенча Артекта да булып кайтты. Инсафның уңышлары нәшрият хезмәткәрләрендә дә кызыксыну уяткан.Алар безнең мәктәптә һәм укучыбызның гаиләсендә булып киттеләр. “Гаилә һәм мәктәп ” журналының баш мөхәррир урынбасары Мөхәммәтҗанова Сиринә Илфат кызы, район мәгариф бүлегенең тәрбия эшләре буенча урынбасары Рәхимҗанова Флера Мансур кызы белән очрашу һәм сөйләшү мәктәптә тәрбия эшенең куелышы һәм әлеге өлкәдә ирешкән уңышлар хакында барды. Очрашу кызыклы, җанлы, тәэсирле булды. Алга таба да уңышлы эшләргә, сау- сәламәт булырга, очрашуләр соңгысы булмасын дигән теләктә калдык.