Сәләтле балалар - күктәге "йолдызлар" кебек. Ул "йолдызларны" күрә белү генә аз.  Сүнмәсен, яктырак янсын өчен аларны һәрвакыт канатландырып торырга кирәк. 

Әйе, Туймәт мәктәбе сәләтле укучыларга бай. Шуларның берсе - Сафин Инсаф Габдулла улы.  Белем серләренең төбенә төшәргә тырышкан, энергиясе ташып торган егетебез быелгысы уку елында Бөтенроссия спортярышлары фестиваленең җәйге турында катнашты. Ул аннан күп кенә диплом - грамоталар,   медальләр белән кайтты. Укучыбызның фестивальдә алган кичерешләре бик шатлыклы. Шушы уңайдан мәктәп күләмендә Инсаф белән дусларча очрашу узды.  Укучыбыз үзенең тәэсирләре белән уртаклашты, башка укучыларга тырыш, сабыр, максатчан булуларын теләде. Инсаф мәктәбебезнең генә түгел, район, республикабызның да горурлыгы.