“Туймәт  авылы халкы бер йодрык булып яши ул!”-дигән мактау сүзләрен бик еш ишетергә туры килә.Чынлап та,  Туймәт  авылының яше-карты,баласы-чагасы  хезмәттә дә,  бәйрәмдә дә сынатмый. Бу билгеле инде үзебезнең хөрмәткә лаек җитәкчеләребезнең тырышлыгы. Алар безне шулай бердәм булырга өндиләр, өйрәтәләр,  үрнәк күрсәтәләр.

Нинди генә бәйрәм булмасын, безнең мәдәният йорты шау-гөр килеп тора. Әле күптән түгел генә өлкәннәр көнен гөрләтеп үткәргән булсалар, 5 нче октябрь - укытучылар көне уңаеннан, укытучылар коллективын бәйрәм табыны  әзерләп  кунак иттеләр. Мәдәният хезмәткәрләренең мондый зур күләмле чара үткәрүе күркәм традициягә әйләнеп бара. Бәйрәм  күңелле уеннар, кайнар котлаулар, җыр-бию, уен-көлке белән бергә үрелеп барды. Рәхмәт Сезгә, мәдәният хезмәткәрләре!  Киләчәктә дә сезгә зурдан-зур уңышлар, гаиләләрегезгә иминлек, тынычлык, тигезлек телибез. Иң изге теләкләр белән Туймәт төп мәктәбе укытучылар коллективы.