Тукай... Җирдәге барча халык зур горурлык һәм илаһи мәхәббәт белән телгә алалар бу исемне. Шагыйребез иҗатының бөеклеге буыннан-буынга тапшырылып, якты маяк булып балкый. Районыбызда һәр елны зурлап уздырыла торган Габдулла Тукайның туган көнен  билгеләп үтү бәйрәмендә Туймәт төп белем мәктәбеннән Әсәдуллина Румия чыгыш ясады. Шагыйребезнең "Су анасы" шигырен сәнгатьле итеп сөйләве белән Румия күпләрне шаккаттырды, чыгыш көчле алкышларга күмелде. Бәйрәм бай эчтәлекле, тирән мәгънәле итеп оештырылган. Укучыларның, мәдәният хезмәткәрләренең чыгышларында Тукайның тормышы, иҗаты һәрьяклап чагылдырылды. Без - Тукай варислары. Шагыйребезнең иҗатын тирәнтен өйрәнеп, үзебездән соң килгән буынга тапшыра алсак иде.