Нәрсә соң ул спорт? Безнең өчен спорт ул - яшәү рәвеше. Һәрбер кеше сау-сәламәт һәм нык булу өчен спорт белән дус булырга тиеш.  Спорт ул - үз-үзеңне ярату.Үзен яраткан кеше  башкаларны ярата, күңеле, гамәлләре изге була.  Кечкенәдән үк спорт белән дус булган кеше көчле, җитез һәм тәвәккәл була. Шуңа да без спортны бик яратабыз,  аның төрле төрләре белән кызыксынабыз.
  Дәресләрдән соң волейбол, баскетбол, чаңгы, теннис ,шахмат,футбол уйныйбыз. Бу спорт төрләре буенча ярышларга да йөрибез, аларда катнашу һәм призлы урыннар алу - үзе бер бәхет.
  Язгы мәрхәмәтлелек атналыгы кысаларында Туймәт төп белем мәктәбенең егетләр командасы  Бәркәтә урта мәктәбе футбол командасы белән дусларча уен үткәрделәр.  Спорт безнең тормышыбызда  бик мөһим урынны алып тора. Ул - безнең якын дустыбыз. Бу дустыбыздан  бер дә аерыласыбыз  килми, чөнки ул безгә көч һәм куәт бирә!, -  дип бертавыштан  җавап бирә безнең укучыларыбыз.