Яз айлары керүгә, табигатьтәге үзгәрешләр көннән-көн күбрәк күренә. Апрель ае − язның аеруча кайнап торган чагы. Хәзер инде кар кара төстә, көннән-көн кими. Көпшәк кар астында су җыела, урыны-урыны белән кар өстеннән каралып язгы ташу акканы күренә. Ул үзенә бертөрле гүләү белән килеп төшә. Юлында очраган барлык нәрсәне үзе белән алып китә. Елгада бозлар кузгала. Зур-зур бозларның агып киткәнен карап торуы нинди күңелле! Шушы матур күренешне күзәтү өчен 2 нче сыйныф укучылары буа, инеш буйларына экскурсиягә бардылар. Авылдан аккан инешнең әллә кая, бик еракка китүе балаларны бик гаҗәпләндерде. Кайткач язгы ташу күренешен рәсемгә төшерделәр.