Математика  читен мәсьәләләрне хәл итәргә, башка фәннәрне үзләштерергә, тирә - юньдәге күренеш һәм вакыйгаларның асылына төшенергә ярдәм итә. Бу фән тормышта һәркемгә – эшчегә дә, механизаторга да, терлекчелектә эшләүчегә дә кирәк. Шуңа күрә, киләчәктә,  белгечлек сайлаганда, аның ярдәме тиячәк.  Дәресләрдән соң үткән “Математик КВН”да иң зирәкләр көч сынаштылар. Балаларның математика буенча нинди белем туплаганнары менә шунда беленде инде. Күңелле биремнәр, катлаулы мәсьәләләр бөтенесен уйларга, җитезлектә һәм зирәклектә ярышырга мәҗбүр итте. КВН да балалар бик теләп катнаштылар.