3 нче апрель көнне 9 нчы класс укучыларының “ТДИ на бергәләп әзерләник” дигән тема астында чираттагы ата-аналар җыелышы булып үтте. Класс җитәкчесе Сагирова Л.М. җыелышка әтиләрне чакырды. Барлык әтиләр дә әйтелгән вакытка килделәр. Җыелышның максаты әти – әниләр һәм мәктәп бердәм булганда гына уңай нәтиҗәләргә ирешеп булуын аңлашу; балаларыбыз кичергән кыенлыклар, аларны җиңеләйтү юллары буларак аңлашып, бергәләп Төп Дәүләт Имтиханнарына әзерләнү иде. Шулай ук җыелышта мәктәп администрациясе һәм имтиханнарга әзерләүче барлык укытучылар да катнашты. Алар һәрберсе укучыларның үз фәннәре буенча имтиханнарга әзерләнү дәрәҗәсен, сынап карау имтиханнарының нәтиҗәләре белән һәр балага аерым тукталып сөйләделәр. Әтиләр үзләренең уллары турындагы укытучылар әйткән сүзләрне игътибар белән тыңладылар, һәм укытучыларга үзләренең рәхмәтләрен белдереп, аларның эшләреннән канәгать булуларын әйттеләр. Әтиләр, укучылар һәм укытучылар, барыбыз да алда торган сынауларны уңышлы тапшыруны көтәбез.