Әниләрне  шулай хөрмәтләп,  8 март бәйрәме белән котлап  башлангыч класс укучылары  “Иң якты кояшым син, әнием!” – дип исемләнгән әдәби-музыкаль кичә үткәрделәр. Кичәнең беренче өлешендә балалар шигырьләр сөйләп, матур җырлар җырлап, биеп әниләрне ял иттерделәр. Кичәнең икенче өлешендә әниләр ике командага бүленеп  төрле бәйгеләрдә көч сынаштылар, үзләренең осталыкларын, уңган, тапкыр булуларын күрсәттеләр. Бу бәйгедә барлык әниләр дә җиңүче булды. Аларның һәрберсе “серле капчыктан” сертификат алып,  бүләккә ия булдылар.  Ә әниләр өчен иң кадерлесе балаларның үз куллары белән ясаган бүләкләре булды. Әниләр балаларга һәм укытучыларга  рәхмәтләрен белдерделәр. Бәйрәм  чәй табыны белән дәвам итте. Кичәдән әниләр дә, балалар  да матур хатирәләр белән кайтып киттеләр.