Соңгы ике елда Туймәт мәктәбе укучылары районның хәзерләүләр конторасы белән килешү төзеп дару үләннәре җыю белән шөгыльләнә. Быел да бу  эш оешкан төстә язын ук башланып китте. Балалар май аенда сыйныфлары белән берлектә язын җыела торган дару үләннәрен җыеп, киптереп, тартмаларга урнаштырып калдырдылар. Җәйге каникуллар вакытында да үз вазыйфаларын онытмыйча, тиешле вакытын көтеп эшләрен дәвам иттеләр. Менә берничә айлык хезмәткә йомгак ясар чак та килеп җитте. Укучыларыбыз арасында шәхси беренчелеккә дә, сыйныфлар арасында да урыннар билгеләнәчәк.