Бүгенге заманда телефонсыз, компьютерсыз тормышны күз алдына китереп булмый. Аның ярдәмчебезгә яки дошманыбызга әверелүе дә бары тик үзебезгә генә бәйле. Үсеп килүче буында Интернет челтәрендә грамоталы, куркынычсыз һәм җаваплы эш итү күнекмәләре тәрбияләү, шулай ук  персональ мәгълүматларны һәм компьютерны төрле куркынычлардан саклау зарурлыгына игътибарны җәлеп итү максатыннан авыл китапханәчесе Галимова Н.М.  башлангыч сыйныф укучылары белән китапханәдә әңгәмә үткәрде. Балалар игътибар белән тыңладылар, кызыксындырган сорауларына җаваплар алдылар.