Кышкы салкын көннәрдә без, башлангыч класс укучылары , кошларга ярдәм итүне дәвам итәбез. Җимлекләрне кардан чистартып, төрле азыклар салабыз. Песнәкләр май калдыкларын яратып ашаса, чыпчыклар ярма бөртекләре белән сыйлана. Күгәрченнәр,чәүкәләр дә җимлекне үз иттеләр, без якында гына булсак та курыкмыйлар, сыйдан ашыга-ашыга авыз итәләр. Әле кышның буранлы, салкын көннәре бетәргә шактый вакыт бар. Нәни дусларыбызны ярдәмебездән ташламыйк, аларга җылы язларны күрергә булышыйк.